Katalin Kovats, redaktoro de edukado.net kaj metodologo, kiel jam plurfoje en nia semajnfina programo, denove gvidos kurson por tutkomencantoj, kiun povos ĉeesti kaj observi ankaŭ praktikantaj instruistoj kaj instruemuloj.

La spertuloj krom tio, ke ili ĉeestos la lecionojn, havos apartan tempon kiam Katalin antaŭ kaj post la lecinoj donos observopunktojn kaj metodikajn klarigojn. Estos ero kiam la observantoj mem povas gvidi ekzercojn por la tutkomencantoj.

Se vi estas sperta esperantisto aŭ volas tiel lerni pri la instruado, estus bone se vi mem kunportus komencanton, kiu povus esti ne nur "viktimo" de la trejnado, sed ankaŭ havos la grandan ŝancon lerni la unuajn paŝojn de mondkonata Esperanto-instruisto.